Yuxarı
    Bağlamaq

    "Standard & Poor's" Azərbaycanda iqtisadi artımın sürətlənəcəyini, inflyasiyanın azalacağını proqnozlaşdırır

    İqtisadi artım Şahdəniz layihəsinin işə düşməsi hesabına təmin olunacaq

    Bakı. 31 iyul. REPORT.AZ/ Azərbaycanda iqtisadi artım 2018-ci ildən etibarən sürətlənəcək, inflyasiyanın səviyyəsi isə azalacaq.

    "Report" xəbər verir ki, bu proqnozla "Standard & Poor's" Beynəlxalq Reytinq Agentliyi Azərbaycanın yaxın 4 ildə iqtisadi perspektivləri barədə hesabatında çıxış edib. 

    Hesabatda deyilir ki, Azərbaycan iqtisadiyyatı bu il 1% geriləyəcək, amma 2018-ci ildə 2%, 2019 və 2020-ci illərdə isə 3,5% artım nümayiş etdirəcək. Adambaşına real ümumi daxili məhsul (ÜDM) 2017-ci ildə 2,2% azalaxaq, əvəzində 2018-ci ildə 0,8%, 2019 və 2020-ci illərdə 2,3% artacaq. Real investisiyalarda isə azalmaq olmayacaq və 2017-ci ildə 5,5%, 2018-ciildə 3,5%, 2019-2020-ci illərdə isə hər il 2,5% artacaq.

    Agentlik inflyasiyanın bu il 9%, gələn il 7%, 2019 və 2020-ci illərdə isə 5% olacağını ehtimal edir. "Standard & Poor's" iqtisadi artımla bağlı proqnozlarını yüksəltməsinə səbəb kimi Azərbaycanın "Şahdəniz" layihəsinin işə düşməsini göstərib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi