Yuxarı

SOCAR istiqrazları repo əməliyyatlarına cəlb olunacaq

Araz Əliyev: Bu istiqamətdə MDM ilə ilkin razılıq əldə olunub

Bakı. 18 oktyabr. REPORT.AZ/ Azərbaycan Dövlət Neft Şirkətinin (SOCAR) istiqrazlarının tədavülə buraxılması ilə qiymətli kağızlar bazarında canlanma yaranıb. “Report” xəbər verir ki, bunu SOCAR istiqrazlarının satışının yekunlaşması və təkrar bazar əməliyyatlarının başlanması ilə bağlı keçirilən mətbuat konfransında Milli Depozit Mərkəzi (MDM) İdarə Heyətinin sədri Araz Əliyev bildirib.

Onun sözlərinə görə, indiyə qədər Azərbaycan təcrübəsində bir neçə dəfə iri məbləğdə səhm və istiqraz emissiyası həyata keçirilsə də, SOCAR istiqrazlarına olan tələbat (emissiyadan 2 dəfə çox) qeydə alınmayıb: “Bu istiqrazlar kapital bazarındakı durğunluğu aradan qaldırıb. Hazırda bazar iştirakçıları bu istiqrazların repo əməliyyatlarına cəlb edilməsi istiqamətində iş aparır. Bu istiqamətdə MDM ilə ilkin razılıq əldə olunub”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi