Yuxarı
    Bağlamaq

    SOCAR istiqrazları ilə repo əməliyyatlarına start verilib

    İstiqrazlarının market-meykeri qismində “PSG Kapital investisiya şirkəti çıxış edir

    Bakı. 18 oktyabr. REPORT.AZ/ Azərbaycan Dövlət Neft Şirkətinin (SOCAR) istiqrazları (ISIN AZ2001019895) "Bakı Fond Birjası" QSC-də (BFB) repo predmeti siyahısına əlavə edilib. 

    Bu barədə "Report"a BFB-dən bildirilib.

    Məlumata görə, hazırda istiqrazların BFB-də təkrar bazar ticarəti ilə bərabər, onlarla repo əməliyyatları da həyata keçirmək mümkündür.

    Qeyd edək ki, repo predmeti olaraq yüksək likvidli, market-meykeri olan alətlər seçilir. SOCAR istiqrazlarının market-meykeri qismində “PSG Kapital İnvestisiya Şirkəti” QSC çıxış edir və SOCAR istiqrazlara geriyə alış təminatı verir. SOCAR istiqrazlarının repo təminat əmsalı Milli Depozit Mərkəzi ilə razılaşdırılaraq 5% təyin edilib.

    Xatırladaq ki, REPO institutsional investorlara qısamüddətli likvidliyin idarə olunması məqsədi ilə, repo predmeti müqabilində vəsit cəlb etmək/yerləşdirmək imkanı verən alətdir. Repo predmeti olan bütün alətlərin siyahısı BFB-nin internet saytının qayda və təlimatlar bölməsində yerləşdirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi