SOCAR istiqrazları 1% bahalaşıb

Bakı. 19 oktyabr. REPORT.AZ/ Azərbaycan Dövlət Neft Şirkətinin (SOCAR) istiqrazları üzrə market-meyker fəaliyyətini həyata keçirən "PSG Kapital" investisiya şirkəti qiymətli kağızların təkrar bazarı üzrə oktyabrın 17-də qeydə alınmış alış-satış qiymətlərini açıqlayıb. Bu barədə "Report" "Bakı Fond Birjası" QSC-yə istinadən xəbər verir.

Məlumata görə, SOCAR istiqrazları nominal dəyərinə (1 000 ABŞ dolları) alınıb, 1 010 dollara, yəni 1% baha satılıb.