Yuxarı
    Bağlamaq

    SOCAR-ın 1771 istiqrazı təkrar bazarda satılıb

    Qiymətli kağızlardan 2-si nominal dəyərindən 0,05% baha əldə edilib

    Bakı. 20 oktyabr. REPORT.AZ/ Bu gün "Bakı Fond Birjası" QSC-də (BFB) Azərbaycan Dövlət Neft Şirkətinin (SOCAR) istiqrazlarının təkrar bazarda alqı-satqısı üzrə 3 əqd bağlanılıb. 

    Bu barədə "Report" BFB-yə istinadən xəbər verir.

    Məlumata görə, əqdlərdən biri 1769 istiqrazın realizə edilməsini nəzərdə tutur. Qiymətli kağızlar nominal dəyərinə (1 000 ABŞ dolları) əldə edilib. Digər 2 əqdin hər biri isə 1 istiqrazın alınıb-satılması ilə bağlıdır. Bu istiqrazlar nominal dəyərindən 0,05% çox, 1000,5 dollar ödəniş müqabilində sahibini dəyişib. Ümumilikdə təkrar bazarda 1771 istiqraz satılıb. 

    Xatırladaq ki, SOCAR istiqrazları təkrar bazara oktyabrın 17-dən çıxıb. Hazırda dövriyyədə SOCAR-ın 100 min istiqrazı var. Şirkətin geri alma zəmanəti verdiyi istiqrazlar 2021-ci ilə qədər tədavüldə olacaq. Onların illik gəlirliliyi 5%-dir. Faizlər 3 aydan bir ödənilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi