Yuxarı

Sığortaçıların noyabr ayı üçün reytinq cədvəli açıqlanıb

Sığortaçıların noyabr ayı üçün reytinq cədvəli açıqlanıb

Bakı. 4 dekabr. REPORT.AZ/ Azərbaycan Sığortaçılar Assosiasiyası İctimai Birliyi (Birlik) sığorta şirkətlərinin xidmət səviyyəsi və müştərilərə qarşı yanaşması üzrə formalaşmış reytinqinin noyabr ayı üçün olan nəticələrini açıqlayıb.

Assosiasiyadan “Report”a verilən məlumata görə, birliyin rəsmi saytına vətəndaşlar tərəfindən sığorta şirkətləri barədə yazılan 173 müsbət və mənfi rəy, onların araşdırılması və qeyd olunan faktların təsdiqlənib-təsdiqlənməməsi nəticəsində aşağıdakı reytinq cədvəli formalaşıb:

Cədvəlin birinci və sonuncu yerləri ötən ayın nəticələrini təkrarlayıb. Belə ki noyabr ayı üzrə müştərilən ən razı qaldığı sığorta şirkəti “A-Qroup Sığorta” şirkəti olub. “A-Qroup Sığorta” 26 balla reytinq cədvəlində birinci yerə və yenə də “Standard İnsurance” -9 balla sonuncu yerə sahib olub. Cədvəldə ikinci yeri 24 balla “Atəşgah Sığorta” şirkəti tutur. 3, 4 5-ci yerin sahibləri olan “Qala Həyat Sığorta”, “Paşa Sığorta”və “Xalq Sığorta” şirkətləri müvafiq olaraq 3, 1 1 bala malikdirlər.

Heç bir bal toplamayan şirkətlər 6-16-ci yerdə qərarlaşıblar. Bunlar – “Amrah Sığorta”, “Qala Sığorta”, “Naxçıvan Sığorta”, “Atəşgah Həyat Sığorta”, “Paşa Həyat Sığorta”, “Bakı Sığorta”, “AzRe Təkrarsığorta”, “Azərbaycan Sənaye Sığorta”, “Rəvan Sığorta”, “İpək Yolu Sığorta”, “Axa Mbask Sığorta”dır.

17-22-ci sıralarda mövqe tutan şirkətlər mənfi ballara sahibdir. Bura daxildir: “AzərSığorta DSKŞ” – -2 bal, “Meqa Sığorta” – -2 bal, “AzSığorta” – -3 bal, “Günay Sığorta” – -4 bal, “AtaSığorta” – -6 bal və “Standard İnsurance” – -9 bal toplaya bilib.

Xatırladaq ki, Azərbaycan Sığortaçılar Assosiasiyası İctimai Birliyi artıq ikinci aydır ki, sığorta şirkətlərinin xidmət və müştəri məmnuniyyəti səviyyəsinin müəyyən edilməsi üçün reytinq cədvəli açıqlayır və son zamanlar da müştərilər tərəfindən sığortaçılar barədə rəy bildirilmə halları artmışdır. Müştəriləri bundan sonra da sığorta şirkətlərinin xidmət və fəaliyyətini dəyərləndirmək sahəsində aktiv olmağa dəvət edilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi