Yuxarı

Sığortaçıların növbəti imtahanı gələn həftə olacaq

Rəhbər işçi vəzifələrinə namizədlər və müvafiq sığorta vasitəçiliyi üzrə fəaliyyətə lisenziya almaq istəyən fiziki şəxslər imtahan verəcək

Bakı. 26 fevral. REPORT.AZ/ Sığortaçılarda rəhbər işçi vəzifələrinə namizədlər və müvafiq sığorta vasitəçiliyi üzrə fəaliyyətə lisenziya almaq istəyən fiziki şəxslər üçün 2 mart tarixdə növbəti test imtahanı keçiriləcək.

"Report"un verdiyi xəbərə görə, imtahan üçün sənədləri Dövlət Sığorta Nəzarəti Xidmətinə (DSNX) tam olaraq təqdim olunmuş şəxslər 1 mart saat 12:00-dək vusal.mirzeyev@maliyye.gov.az e-mail vasitəsi ilə əlaqə saxlayaraq adı, soyadı, atasının adı, vasitəçilik fəaliyyətnin növü və ya şəxsin təyin olunmalı olduğu vəzifənin və cəmiyyətin adı tam göstərilməklə imtahanda iştirak edəcəklərini təsdiq etməlidirlər.

Qeyd edək ki, imtahan “Sığortaçıların rəhbər işçisi vəzifələrinə namizədlər müvafiq sığorta vasitəçiliyi üzrə fəaliyyətə lisenziya, həmçinin aktuari fəaliyyətinə aktuari şəhadətnaməsi almaq istəyən fiziki şəxslər üçün attestasiyanın təşkili və keçirilməsi Qaydaları”na uyğun olaraq keçirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi