Yuxarı

Azərbaycanda sığortaçılar gecikdirilmiş ödənişə görə əlavə pul ödəyəcək

Məhkəmə, hüquq-mühafizə orqanlarının işçiləri və hərbi qulluqçuların sığorta ödənişini gecikdirənlər dəbbə pulu ödəyəcək

Bakı. 16 dekabr. REPORT.AZ/ Azərbaycanda fəaliyyət göstərən sığorta şirkətləri sığorta ödənişini ödəmədikdə hər gecikdirilmiş gün üçün sığorta ödənişi məbləğinin 0,1%-i həcmində dəbbə pulu ödəyəcək.

“Report”un verdiyi xəbərə görə, bu barədə Milli Məclisdə müzakirəyə çıxarılan "Məhkəmə və hüquq-mühafizə orqanları işçilərinin dövlət icbari şəxsi sığortası haqqında" və "Hərbi qulluqçuların dövlət icbari şəxsi sığortası haqqında" qanunlara əlavə və dəyişikliklərin edilməsi barədə qanun layihələrində bildirilir.

Eyni zamanda dəyişikliyə əsasən, sığortaçı müvafiq riskləri sığorta etdirmək üçün müraciət edən və sığorta marağı olan qanunda nəzərdə tutulmuş orqanlarla icbari sığorta müqaviləsi bağlamaqdan imtina edə bilməz.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi