SECO: Azərbaycanla əməkdaşlığımız 2020-ci ilədək davam edəcək

Bakı. 4 noyabr. REPORT.AZ/ İsveçrənin İqtisadi Məsələlər üzrə Dövlət Katibliyi (SECO) Azərbaycanla əməkdaşlığa dair 2017-2020-ci illəri əhatə edən strategiya hazırlayıb. “Report” xəbər verir ki, bu barədə SECO-nun nümayəndəsi Simona Haberli məlumat verib.

“SECO Azərbaycanın makroiqtisadi inkişafına, özəl sektoruna dəstəyini davam etdirəcək. Xüsusilə, maliyyə sektorunun inkişafına marağımız var və bu baxımdan Azərbaycanın Maliyyə Bazarlarına Nəzarət Palatası vacib tərəfdaşımızdır”, - deyə S.Haberli qeyd edib.