Yuxarı
    Bağlamaq

    ​Rusiyalı iqtisadçı Bakıda seminar keçirib

    Tədbirdə qlobal maliyyə böhranının təsiri və dünya iqtisadiyyatını gözləyən problemlər təhlil olunub

    Bakı. 7 may. REPORT.AZ/ Bu gün Bakıda tanınmış Rusiya iqtisadçısı, "Böhran nəzəriyyəsi" kitabının müəllifi Mixail Xazinin iştirakı ilə seminar keçirilib. Seminarda Azərbaycanın aparıcı bank və maliyyə təşkilatlarının nümayəndələri iştirak ediblər.

    "Report" xəbər verir ki, M.Xazin seminar zamanı dünya maliyyə sisteminin yaranması tarixindən, bu günündən bəhs edərək hazırkı qlobal maliyyə böhranına da toxunub. Dünya valyuta bazarının inkişafı, xammal bazarlarındakı kəskin dəyişikliklərdən danışan alim-tədqiqatçı, dünya iqtisadiyyatını gələcəkdə gözləyən problemləri təhlil edib. Təbii sərvətlərin ixracından əldə edilən vəsaitlərin düzgün xərclənməsi və yeni iqtisadi modellərdən danışan lektor, Rusiya və Azərbaycanda milli valyutanın yaxın və orta müddətdə proqnozları ilə bağlı fikirlərini səsləndirib.

    Yekunda kapital bazarlarının inkişaf etdirilməsi zərurətinə toxunan M.Xazin fond birjalarının inkişaf etdirilməsi yolunda atılması lazım olan addımları sadalayıb.

    Qeyd edək ki, tədbir Bakı Banklararası Valyuta Birjasının təşəbbüsü ilə təşkil olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi