Yuxarı
    Bağlamaq

    Rusiyada dollar bahalaşıb

    Proqnoz: Dollar 60 rubla kimi bahalaşa bilər

    Bakı. 26 aprel. REPORT.AZ/ Rusiyada ABŞ dollarının məzənnəsi bu gün, aprelin 26-da kəskin yüksələrək 57 rubl səviyyəsinə yaxınlaşıb. "Report" xəbər verir ki, buna səbəb Rusiyanın kənd təsərrüfatı naziri Aleksandr Tkaçovun açıqlamaları olub. 

    Nazir bildirib ki, Rusiyanın kənd təsərrüfatı malları üçün dolların ən optimal məzənnəsi 60-65 RUB/USD diapazonudur. Dolların məzənnəsi son bir neçə saatda 1,4% artıb. 

    Qeyd edək ki, dolların bahalaşmasına digər bir səbəb neftin ucuzlaşaraq 52 dollar/barelə enməsi amili göstərilir. Rusiya maliyyə bazarlarına sərmayə qoyan investorlar OPEC-in 25 may iclasında hasilatın azaldılması qərarının vaxtının uzadılmaması riskini gözdən keçirərək investisiyalarını azaltmaq istədikləri müşahidə olunur.

    "Report"un analitik qrupu Rusiyada dolların məzənnəsinin 60 RUB/USD səviyyəsinə yaxınlaşacağını proqnozlaşdırır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi