Yuxarı

Rubla inamı bərpa etmək üçün azı 7-10 il lazımdır

Rusiyada əhali istehlakı azaldır, qara günü üçün pul yığmaq barədə düşünür

Bakı. 22 noyabr. REPORT.AZ/ Rusiyanın keçmiş Maliyyə naziri Aleksey Kudrinin fikrincə, Qərbin sanksiyaları rublun zəifləməsinə neftin ucuzlaşması qədər təsir göstərib, 2015-ci ildə isə eyni amillər ÜDM-nin azalmasına gətirib çıxara bilər.

"Ən azı yaxın 20 il ərzində rubl nəinki ehtiyat valyuta, heç regional ödəniş vasitəsinə də çevrilə bilməyəcək”, Aleksey Kudrin “Vedomosti” qəzetində dərc edilmiş məqaləsində yazıb.

"İndi biz keçid mərhələsindəyik, iqtisadiyyatda durğunluq yaranıb. Əhali istehlakı azaldır, "qara günü" üçün pul yığmaq barədə düşünür. Müəssisələr inkişaf proqramlarını ixtisar edir. İkinci ildir ki investisiyaların həcmi azalır”, Kudrin qeyd edib.

"Report" BBC-yə istinadən xəbər verir ki, keçmiş nazirin qənaətincə, yaranmış vəziyyətdə hakimiyyət və biznes strukturları "müasir və sınaqdan keçirilmiş açıq cəmiyyət institutuna söykənməlidirlər".

Eks-nazir düşünür ki, Rusiyaya qarşı iqtisadi sanksiyalar hələ xeyli müddət davam edəcək.

"Mənim proqnozuma görə, bu sanksiyalar illərlə çəkəcək. Konkret müddət isə hər iki tərəfin gələcək siyasi qərarlarından asılı olacaq", - Aleksey Kudrin qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi