Rubl Şuvalovun açıqlamasından sonra ucuzlaşmağa başlayıb

Bakı. 19 yanvar. REPORT.AZ/ "Neftin bugünki qiyməti və əlavə neft gəlirlərini xərcləməməklə bağlı qərar bazardan valyuta almaq barədə danışmağa imkan verir". "Report"un "RİA Novosti"yə istinadən verdiyi xəbərə görə, bunu Rusiya baş nazirinin birinci müavini İqor Şuvalov "Bloomberg" agentliyinə müsahibəsində bildirib. 

Bu açıqlamadan sonra Rusiyada dolların məzənnəsi 1% artaraq 59,20 RUB/USD-dən 59,80 RUB/USD-yə çatıb. İ.Şuvalovun sözlərinə görə, rublun cari volatilliyi ixracatçıların işinə mane olur, onlara biznesini planlaşdırmağa imkan vermir.

O həmçinin bildirib ki, hazırda Maliyyə, İqtisadi İnkişaf nazirlikləri və Mərkəzi Bank neft qiymətlərinin büdcədə planlaşdırılan həddən kənara çıxması zamanı atacağı addımlar barədə təkliflər hazırlayır.