Bakı. 10 iyun. REPORT.AZ/ ”Rabitəbank” ASC Müşahidə Şurasının qərarına əsasən, 2017-ci il iyulun 14-də bankın səhmdarlarının növbədənkənar ümumi yığıncağı keçiriləcək.
"Report" bu barədə banka istinadən xəbər verir.
Növbədənkənar iclasın keçirilməsi Bakı şəhəri, 28 May küçəsi, 33 nömrəli ünvanda yerləşən bankın inzibati binasında saat 17:00-a təyin edilib.
Yığıncağın gündəliyinə "Rabitəbank" ASC-nin nizamnamə kapitalının artırılması məqsədilə səhmlərin əlavə emissiyasının həyata keçirilməsi, bununla əlaqədar nizamnaməyə dəyişiklik edilməsi və dəyişiklik layihəsinin təsdiq olunması, dəyişikliyin dövlət qeydiyyatına alınmasının həvalə edilməsi və cari məsələlər daxildir.