“Rabitəbank”ın səhmdarları növbədənkənar toplaşacaq

Bakı. 8 dekabr. REPORT.AZ/ “Rabitəbank” ASC-nin Müşahidə Şurasının dekabrın 6-da qəbul etdiyi qərara əsasən, yanvarın 17-də, saat 17:00-da Bankın səhmdarlarının növbədənkənar ümumi yığıncağı keçiriləcək.

“Report” xəbər verir ki. yığıncaq “Rabitə Bank”ın Bakı şəhəri, Nəsimi rayonu, 28 May küçəsi, 33 ünvanında yerləşən inzibati binasında olacaq.

Yığıncağın gündəliyinə Bankın gələn il üçün tərtib edilmiş büdcə proqnozlarının təsdiq olunması və cari məsələlər daxildir.