Yuxarı
    Bağlamaq

    Qazaxıstanda problemli kreditlər 25-30% təşkil edir

    Standard & Poor's: Kommersiya bankları balanslarını təmizləməlidir

    Bakı. 14 mart. REPORT.AZ/ "Qazaxıstanda rəsmi statistikada göstərilən problemli kredit göstəricisi həqiqəti əks etdirmir. Problemli və restrukturizasiya edilmiş kreditlərin məcmu kredit portfelində xüsusi çəkisi 25-30%-ə çata bilər". "Report"un "RİA Novosti" agentliyinə istinadən verdiyi xəbərə görə, bu məlumat "Standard & Poor's" beynəlxalq reytinq agentliyinin hesabatında qeyd olunub. 

    Agentlik Qazaxıstanın bank sektorunun çətin dövrdən keçdiyini və bankların balansının əsaslı təmizlənməsinə ehtiyac duyulduğunu bildirir. Xatırladaq ki, Qazaxıstan Mərkəzi Bankının rəsmi hesabatında 2016-cı ilin əvvəlindən 2017-ci il fevralın 1-nə qədər problemli kreditlərin məcmu kredit portfelində xüsusi çəkisi 8%-dən 7,2%-ə düşüb. Agentliyin ekspertlərinin sözlərinə görə, rəsmi statistikada problemli kreditlərin azalması onların restrukturizasiyası və hüquqi şəxslərə ötürülməsi ilə bağlı olub. Belə ki, ölkənin milli mühasibatlıq hesablarına əsasən, hüquqi şəxslərə ötürülən məbləğ konsolidə olunmur. Analitiklərin fikrincə, bu addımın atılmasına səbəb Qazaxıstan Mərkəzi Bankı tərəfindən banklara normativ kimi tətbiq edilən problemli kreditlərin məcmu kredit portfelində maksimum payının 10% səviyyəsində məhdudlaşdırılması ilə bağlıdır.

    Hesabatda, həmçinin bildirilir ki, banklar balansını təmizləməsələr, bu sektorda sabitlik yaranmayacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi