Yuxarı
    Bağlamaq

    Qazaxıstan parlamenti Azərbaycanla ikiqat vergitutmanın ləğvi ilə bağlı protokolu təsdiqləyib

    © AFP 2018

    Bakı. 17 yanvar. REPORT.AZ/ Qazaxıstan parlamenti ikiqat vergitutmanın aradan qaldırılması, gəlir vergisi və əmlak vergisi ödənişlərindən yayınmaların qarşısının alınmasına dair Azərbaycanla imzalanmış hökumətlərarası protokolu təsdiqləyib.

    “Report” bu barədə Qazaxıstan mətbuatına istinadən xəbər verir.

    Qazaxıstanın maliyyə naziri Baxıt Sultanov bildirib ki, protokol məlumat mübadiləsi ilə iki ölkə arasında vergi sahəsində əməkdaşlığın inkişafına xidmət edəcək. O qeyd edib ki, Azərbaycandan Qazaxıstana investisiyalar son 10 ildə 168 mln. dollar, Qazaxıstandan Azərbaycana investisiyaların həcmi 20 mln. dollar təşkil edib. Onun sözlərinə görə, iki ölkə arasında ticarət dövriyyəsi isə son 10 il ərzində 2,8 mlrd. dollar təşkil edib.

    Qeyd edək ki, ikiqat vergitutmanın, gəlir vergisi və əmlak vergisi ödənişindən yayınmaların qarşısının alınmasına dair protokol 3 aprel 2017-ci il tarixində Bakıda imzalanıb.

    Azərbaycan Prezidenti İlham Əliyev bu protokolu 2017-ci il oktyabrın 11-də təsdiq edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi