Bakı. 23 avqust. REPORT.AZ/ "Qala Sığorta" ASC-nin yeni yaradılmış İddialara nəzarət Departmentinə direktor təyin edilib.
Şirkətdən "Report"a verilən məlumata görə, bu vəzifəyə Fuad Allahverdiyev gətirilib.
F.Allahverdiyev bundan əvvəl ötən ilin sonunda fəaliyyəti dayandırılmış "Qarant Sığorta" ASC-nin İdarə Heyətinin sədri olub.
Xatırladaq ki, "Qala Sığorta" şirkəti 1999-cu ildən fəaliyyət göstərən "Çartis Azərbaycan" şirkətinin bazasında yaradılıb. Onun nizamnamə kapitalı 6 786 500 manatdır. Bu məbləğ hər birinin nominal qiyməti 19,39 manat olan 350 min səhm əsasında formalaşıb. Şirkətin 100% səhmləri "AzRe Təkrarsığorta" ASC-yə məxsusdur.