"Qala Həyat Sığorta" nizamnamə kapitalını artırır

"Qala Həyat Sığorta" ASC nizamnamə kapitalını təxminən 170 min manat artırmağı planlaşdırır.

Bu barədə "Report"a şirkətdəki mənbə bildirib.

Onun sözlərinə görə, kapital artımı dövriyyəyə yeni səhmlərin buraxılması ilə həyata keçiriləcək. Bununla da, "Qala Həyat Sığorta"nın nizamnamə kapitalı 13 milyon manatı keçəcək.

Xatırladaq ki, "Qala Həyat Sığorta" 2008-ci ildə yaradılıb. Şirkətin səhmlərinin 91,11%-i “AzRe Təkrarsığorta ASC-yə (“Qala Sığorta” ASC-nin 100%-lik, “Azər-Türk Bank” ASC-nin 6,55%-lik səhmdarı), 8,89%-i isə “Quna" MMC-yə məxsusdur.