Yuxarı

​Proqnoz: Türkiyədə dolların məzənnəsi qısa müddətdə 2,80 TRY/USD-yə çatacaq

Lirənin ucuzlaşması Türkiyədən Azərbaycana idxalı artıracaq

Bakı. 28 aprel. REPORT.AZ/ Türkiyə Mərkəz Bankının (TMB) ötən həftə keçirilən iclasında AŞ dollarının ucuzlaşdırılması istiqamətində konkret qərar qəbul etməməsi səbəbindən dolların məzənnəsinin yüksəlməsi davam edib və məzənnə artıq 2,74 TRY/USD səviyyəsinə çatıb.

"Report"un məlumatına görə, TMB-nin faizlərdə dəyişiklik həyata keçirməməsi qərarı bazar iştirakçıları tərəfindən Bankın dolların məzənnəsini normal qəbul etməsi kimi qiymətləndirilib. Bu xəbərdən sonra dollar gün ərzində (aprelin 22-də) 2,70 səviyyəsindən 2,74-ə yüksəlib. Analitiklər belə olan şəraitdə dolların məzənnəsinin 2,80 TRY/USD-yə qədər yüksələcəyini gözləyirlər.

Qeyd edək ki, Türkiyədə artıq dövlət istiqrazlarının gəlirliyi 2-illik kağızlar üzrə 10% həddini aşıb,10-illik istiqrazlar üzrə isə 9,3% olub.

Xatırladaq ki, Türkiyə Azərbaycanın əsas ticarət tərəfdaşları arasında Rusiyadan sonra ikinci yeri tutur. Türkiyə ilə ticarət dövriyyəsi 2015-ci ilin ilk rübündə keçən ilin müvafiq dövrünə nəzərən 21% artaraq 323 mln. dollar təşkil edib. Türkiyə lirəsinin ABŞ dolları ilə müqayisədə zəifləməsi bu ölkədən idxalın daha da artmasına gətirib çıxara bilər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi