Yuxarı
    Bağlamaq

    ​Proqnoz: Gələn il Türkiyədə dolların məzənnəsi 3,20 TRY/USD-yə çatacaq

    Goldman Sachs: Türkiyə lirənin zəifləməsinin qarşısını almaq üçün kreditləri bahalaşdırmalıdır

    Bakı. 23 aprel. REPORT.AZ/ Türkiyədə ABŞ dollarının məzənnəsi 2016-cı ilin sonuna qədər 3,20 TRY/USD səviyyəsinə kimi yüksələ bilər. "Report"un məlumatına görə, bunu Türkiyə Mərkəz Bankı (TCMB) Monetar siyasət Komitəsinin dünən keçirilən iclasının yekun nəticələrini təhlil edən "Goldman Sachs" bankının analitikləri bildirib.

    Qeyd edək ki, dünənki iclasda TMB uçot dərəcəsini dəyişdirməyib və yalnız məcburi ehtiyat normasını 0,50 bənd artırıb.

    "Goldman Sachs" TMB-nin verdiyi qərarların maliyyə bazarının gözləntilərinə uyğun olmadığını və son aylar zəifləyən milli valyutaya dəstək vermədiyini açıqlayıb. Analitiklərin fikrincə, Türkiyə lirəsinin zəifləməsinin qarşısını almaq üçün TMB yaxın günlərdə milli valyutada likvidliyi azaltmaq və faizləri önəmli dərəcədə artırmaq qərarı ala bilər. Qeyd edək ki, dünənki iclasdan sonra dolların məzənnəsi 2,68 TRY/USD-dən 2,72 TRY/USD-yə yüksəlib.

    "Goldman Sachs" yaxın 3 ayda məzənnənin 2,55 TRY/USD, 6 ayda 2,70 TRY/USD, 12 ayda 2,95 TRY/USD və 2016-cı ilin sonuna isə 3,20 TRY/USD olacağını proqnozlaşdırır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi