Yuxarı
    Bağlamaq

    Azərbaycan Prezidenti: "Bu il neftin qiyməti 40 dollar olsa, ölkəmizə 5 milyard dollardan çox valyuta gələcək"

    İlham Əliyev: Neft satışı respublikamıza böyük gəlir gətirir

    Bakı. 29 mart. REPORT.AZ/ "Pambıqçılığın inkişafı ölkəmizə əlavə gəlir gətirəcək".

    "Report" xəbər verir ki, bu sözləri Saatlıda pambıqçılığın inkişafı məsələlərinə dair respublika müşavirəsində çıxış edən Azərbaycan Prezidenti İlham Əliyev yekun nitqində deyib.

    Dövlət başçısı bildirib ki, neft satışı respublikamıza böyük gəlir gətirir: "İstəyirəm biləsiniz, bu gəlir neftdən əldə olunan gəlirlə müqayisə edilə bilməz. Neft satışından ölkəmizə milyardlarla dollar valyuta gəlir. Bu il əgər neftin qiyməti 40 dollar səviyyəsində olarsa, - bizim büdcədə bu rəqəm nəzərdə tutulub, - ölkəmizə 5 milyard dollardan çox valyuta gələcək. 

    Ona görə pambıqçılığın inkişafı, ilk növbədə, məşğulluğun artırılması və insanların, bu rayonlarda yaşayan insanların həyat səviyyəsinin yaxşılaşdırılması üçün aparılır. Ona görə biz neftdən əldə edilən vəsaiti bu sahəyə qoyuruq ki, camaat daha da yaxşı dolansın, işləsin, pul qazansın, halal zəhmətlə dolansın. 

    Biz yaxşı pul qazanmaq üçün imkanlar yaradırıq. Ona görə pambıqçılığın inkişafı Prezident kimi mənim üçün, ilk növbədə, sosial layihədir, ondan sonra iqtisadi layihədir, daha sonra isə valyuta gətirən layihədir".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi