Yuxarı
    Bağlamaq

    ​Prezident Azərbaycanın Asiya İnfrastruktur İnvestisiya Bankındakı nümayəndələrini təsdiq edib

    İqtisadiyyat və maliyyə nazirlərinə həmin Bankda Azərbaycanı təmsil etmək səlahiyyəti verilib

    Bakı. 1 iyun. REPORT.AZ/ Prezident İlham Əliyev Azərbaycan Respublikasının Asiya İnfrastruktur İnvestisiya Bankına (AİİB) üzvlüyü ilə bağlı bəzi məsələlər haqqında sərəncam imzalayıb.

    "Report"un xəbərinə görə, sərəncamda bildirilir ki, AİİB-nin Rəhbərlər Şurasında Azərbaycandan rəhbər iqtisadiyyat naziri, alternativ rəhbər isə maliyyə naziri təyin edilsin və onlara həmin Bankda Azərbaycan Respublikasını təmsil etmək səlahiyyəti verilsin.

    Həmçinin qeyd olunur ki, Mərkəzi Bank AİİB ehtiyatları və digər aktivlərinin Azərbaycan Respublikasının milli valyutasında depozitarı müəyyən edilsin.

    "Nazirlər Kabineti Azərbaycanın AİİB-yə üzvlüyü ilə bağlı müvafiq abunə kapitalının ödənilməsi üçün maliyyə vəsaitinin ayrılmasını təmin etsin və “Asiya İnfrastruktur İnvestisiya Bankının Saziş maddələri”nin təsdiq edilməsi haqqında” Azərbaycan Respublikasının Qanunundan irəli gələn digər məsələləri həll etsin", - deyə qərarda bildirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi