Yuxarı
    Bağlamaq

    ​Azərbaycanda POS-terminal vasitəsilə nağdsız ödənişlər 6% artıb

    Noyabrda POS-terminallar vasitəsilə 35 mln. manat həcmində nağdsız ödəniş həyata keçirilib

    Bakı. 10 yanvar. REPORT.AZ/ 2014-cü ilin noyabr ayında Azərbaycanda debet və kredit kartları ilə POS-terminallar vasitəsilə 35 mln. manat həcmində 836 min nağdsız ödəniş həyata keçirilib.

    “Report”un Mərkəzi Banka istinadən verdiyi xəbərə görə, bu da oktyabrla müqayisədə nağdsız ödənişlərin həcminin 6,06%, sayının isə 4,76% artmasını göstərir. 2013-cü ilin müvafiq dövrü ilə müqayisədə isə ödənişlərin həcmində 5,41%, sayında isə 26,79% azalma müşahidə olunub.

    Mərkəzi Bankın hesabatına əsasən, Azərbaycanda quraşdırılan POS-terminalların sayı illik 2,1%, aylıq isə 6,8% artaraq 2014-cü il dekabrın 1-nə 68 676-ya çatıb. Terminalların 47 250-si və ya 68,8%-i Bakı, 21 426 ədədi və ya 31,2%-i isə regionlarda quraşdırılıb. Azərbaycanda 2014-cü il dekabrın 1-nə hər 100 nəfərə 1 POS-terminal düşüb.

    Hesabat dövründə terminalların sayındakı artım nəticəsində 1 POS-terminala düşən əməliyyatların orta aylıq sayı illik 2,8 dəfə azalaraq 12,5-ə, həcmi isə 2 dəfə azalaraq 1 373 manat təşkil edib. Bir POS-terminal üzərindən aparılan əməliyyatların orta aylıq məbləği isə illik 37,2% artaraq dekabrın 1-nə hər bir müştəri üzrə 105 manata çatıb.

    2014-cü il dekabrın 1-nə Azərbaycanda 5, 948 mln. ödəniş kartı dövriyyədə olub. Həmin kartların 1,265 mln.-u kredit kartları, 4,683 mln.-u isə debet kartları olub. Debet kartlarının isə 1,429 mln. əmək haqqı, 2,843 mln. sosial kartlar, 771 minini isə digər debet kartları təşkil edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi