Yuxarı
    Bağlamaq

    Palata: "ABB-nin sağlamlaşdırılması vətəndaşların milli və xarici valyutadakı əmanətlər üzrə əməliyyatlarına şamil edilmir"

    MBNP Azərbaycan Beynəlxalq Bankının sağlamlaşdırılmasının növbəti mərhələsinin başlanması ilə bağlı məlumat yayıb© Report.az

    Bakı. 11 may. REPORT.AZ/ Maliyyə Bazarlarına Nəzarət Palatası (MBNP) "Azərbaycan Beynəlxalq Bankı" (ABB) ASC-nin sağlamlaşdırılmasının növbəti mərhələsinin başlanması ilə bağlı məlumat yayıb.

    Qurumun mətbuat xidmətindən "Report"a verilən məlumata görə, bu mərhələdə bankın balansında qalmış problemli aktivlərin dövlətə ötürülməsinin tamamlanması, öhdəliklərin restrukturizasiyası və törəmə bankların fəaliyyəti ilə bağlı strategiyanın müəyyən edilməsi nəzərdə tutulur.

    Öhdəliklərin könüllü restrukturizasiyası çərçivəsində banklar haqqında qanuna müvafiq qaydada dövlət və xarici kreditorlardan valyutada cəlb olunmuş borcların müəyyən hissəsinin könüllü şəkildə birbaşa dövlətə ötürülməsi planlaşdırılır:

    "Bankın restrukturizasiya planı qanunvericiliyə müvafiq qaydada MBNP ilə razılaşdırılıb və MBNP ölkənin ən iri bankı olan ABB-nin maliyyə vəziyyətinin sabitləşdirilməsi və onun dayanıqlığının təmin edilməsi baxımından bu planı məqbul hesab edir".

    MBNP vurğulayır ki, restrukturizasiya planı yalnız bankın xarici kreditorları və dövlət qarşısındakı müəyyən öhdəliklərini əhatə edir və ABB-nin bütün digər öhdəlikləri, o cümlədən Azərbaycan vətəndaşlarının, hüquqi şəxslərin və digər qeyri-rezidentlərin milli və xarici valyutada qorunan və qorunmayan, tələbli (cari) və müddətli əmanətləri üzrə əməliyyatlarına şamil edilmir:

    "Bu öhdəliklərin icrası üçün bank yetərli həcmdə sərbəst maliyyə vəsaitlərinə malikdir".

    Xatırladaq ki, ABB-nin sağlamlaşdırılması Azərbaycan Prezidentinin ABB-nin dövlətə məxsus səhmlərinin özəlləşdirilməyə hazırlanması ilə bağlı sağlamlaşdırılma tədbirləri haqqında 15 iyul 2015-ci il tarixli fərmanının icrası çərçivəsində həyata keçirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi