Bakı. 18 iyul. REPORT.AZ/ Pakistan Milli Bankının Bakı filialının cəmi aktivləri illik müqayisədə 4,6% azalaraq bu il iyulun 1-nə 10,717 mln. manat təşkil edib.
“Report” bu barədə filialın maliyyə hesabatına istinadən xəbər verir.
Hesabat dövründə Pakistan bankının kredit portfeli 16,8% artaraq 1,2 mln. manata çatıb.
Son 1 ildə Bakı filialının cəmi öhdəlikləri 51,2% azalaraq 475 min manata, o cümlədən depozit portfeli 29,7% azalaraq 462 min manata, cəmi kapitalı isə 0,2% azalaraq 10,243 mln. manata düşüb.
Pakistan bankı bu ilin I yarısında 31 min manat mənfəət əldə edib. Xatırladaq ki, Bakı filialı I rübü 13 min manat mənfəətlə başa vurmuşdu.