Yuxarı
    Bağlamaq

    OPEC+ neft hasilatı anlaşmasını 2018-ci ildə uzatmalıdır - PROQNOZ

    2018-ci ilin I rübündə mövsüm amillərindən irəli gələrək neftə tələb az olacaq

    Bakı. 30 may. REPORT.AZ/ "OPEC və ona üzv olmayan neft hasialtçısı ölkələr neft hasilatının azaldılması ilə bağlı anlaşmanı 2018-ci il mart ayından sonra da uzatmalıdır."

    "Report" "Forexpf.ru" saytına istinadən xəbər verir ki, bu barədə proqnoz "Wood Mackenzie" araşdırma şirkətinin analitikləri tərəfindən verilib. 

    Şirkətin neft emalı sahəsinin araşdırılması üzrə direktoru Suşant Quptaya (Sushant Gupta) görə, 2018-ci ilin II yarısına qədər neft bazarı ABŞ-dan gələn şist neftini istehlak edə bilməyəcək: "Bu səbəbdən anlaşma bitdikdən sonra neft hasilatçısı ölkələr öz əvvəlki hasilat həcminə qayıda bilməyəcəkr".

    O bildirib ki, 2018-ci ilin I rübündə mövsüm amillərindən irəli gələrək neftə tələbin az olacağını və qiymətlərin aşağı düşəcəyini ehtimal etmək olar.

    "Wood Mackenzie"nin proqnozlarına görə, bu il neft təklifi 240 min barel/gün, tələb isə 1,3 mln. barel/gün artacaq. Bu il ABŞ-da şist neft hasilatı 430 min barel/gün, 2018-ci ildə isə 800 min barel/gün arta bilər.

    Şirkət 2017-ci ildə "Brent" markalı neft üçün orta qiymət proqnozunu 55 dollar/barel, 2018-ci il üçün isə 57 dollar/barel olaraq ehtimal edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi