Yuxarı
    Bağlamaq

    OECD 2016-cı il iqtisadi artım proqnozunu azaldıb

    2017-ci il üçün də ÜDM proqnozu aşağı salınıb

    Bakı. 21 sentyabr. REPORT.AZ/ İqtisadi Əməkdaşlıq və İnkişaf Təşkilatı (OECD) 2016-cı ildə dünyada iqtisadi artım tempi üzrə proqnozunu 0,1% bəndi azaldaraq 2,9%-ə salıb. 

    Bu barədə "Report" Rusiya mətbuatına istinadən xəbər verir. 

    OECD-in iyun ayında açıqladığı hesabatda təşkilat bu il qlobal ümumi daxili məhsulun (ÜDM) 3% artacağı qeyd olunub. 

    Təşkilat öz hesabatında həmçinin 2017-ci il üçün də iqtisadi artım proqnozunu 0,1% bəndi azaldaraq 3,2%-ə endirdiyini bəyan edib. Xatırladaq ki, 2015-ci ildə qlobal ÜDM 3,1% artım nümayiş etdirib. 

    OECD ekspertlərinin sözlərinə görə, "inkişaf etmiş ölkələrdəki daha zəif iqtisadi şərait və "Brexit"in mənfi nəticələri əsasən, əmtəə hasilatçısı olan inkişaf etməkdə olan ölkələrin iqtisadiyyatlarının bərpa olunması ilə kompensasiya ediləcək". 

    Hesabatda qeyd olunur ki, dünya iqtisadiyyatının zəif iqtisadi artım proqnozları ÜDM-in artmasına mənfi təsir edir: "Nəticədə, ticarət, investisiyalar, məhsuldarlıq və əmək haqları mənfi təsirə məruz qalır"

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi