Yuxarı

​Novruz Bayramı tətilində dolların məzənnəsi sabit qalacaq - PROQNOZ

AZN/USD məzənnəsi 1,58-1,62  diapazonunda qalacaq

Bakı. 18 mart. REPORT.AZ/ Bayram günlərində Azərbaycanın mütəşəkkil valyuta bazarında ajiotaj gözlənilmir. "Report"un verdiyi xəbərə görə Azərbaycan Dövlət Neft Fondunun (ARDNF) Azərbaycan Mərkəzi Bankı(AMB) müntəzəm hərracları vasitəsilə bu gün, martın 18-də keçirdiyi növbəti hərraca 100 mln. dollar vəsait çıxarılsa da bunun yalnız 34,3 mln. dolları və ya 34,3%-nə tələb olub.

"Report"un analitik qrupu hesab edir ki, kommersiya bankları əhalinin dollara tələbatını nəzərə alaraq bayramdan əvvəl keçirilən son hərracda öz tələblərini təmin ediblər. Bu da onu göstərir ki, bayram günlərində dollara tələb sabit qalacaq və məzənnə sərt hərəkətlər göstərməyəcək. Bayram günlərində AZN/USD məzənnəsinin 1,58-1,62 diapazonunda olması gözlənilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi