Yuxarı
    Bağlamaq

    “Nikoil Bank” nizamnamə kapitalını yenidən artırır

    Bank dövriyyəyə yeni səhmlər buraxacaq
    © Report

    Bakı. 5 oktyabr. REPORT.AZ/ “Nikoil Bank” ASC nizamnamə kapitalını 35,5 mln. manat və yaxud 19,24% artıraraq 220 mln. manata çatdıracaq.

    “Report”un əldə etdiyi məlumata görə, bunun üçün dövriyyəyə hər birinin nominal dəyəri 2 manat olan 17,75 mln. ədəd yeni səhm buraxılacaq.

    Səhmlər qapalı üsulla Bakı Fond Birjasında yerləşdiriləcək. Onları bankın mövcud səhmdarlarının alacağı gözlənilir.

    Xatırladaq ki, “Nikoil Bank” 1994-cü ildən fəaliyyət göstərən "Ülpər" kommersiya bankının bazasında, 2002-ci ildə yaradılıb. Hazırda onun nizamnamə kapitalı 184,5 mln. manatdır. Bankın səhmlərinin 91,84%-i “Topaz Investments” QSC-yə, 7,97%-i adı açıqlanmayan fiziki şəxsə, 0,19%-i isə "ISR Holding" MMC-yə məxsusdur. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi