Yuxarı
    Bağlamaq

    "Nikoil Bank"ın nümayəndələri ilə tələbələr arasında görüş keçirilib

    Bankın baş ofisində Gənclər Gününə həsr olunmuş tədbir olub

    Bakı. 2 fevral. REPORT.AZ/ "Nikoil Bank" ASC-nin Bakı şəhəri, Puşkin küçəsi,30 ünvanında yerləşən baş ofisində fevralın 2-də Azərbaycan Gəncləri Gününə həsr olunmuş tədbir keçirilib. 

    "Report"un banka istinadən verdiyi xəbərə görə, konfrans zalında bankın nümayəndələri ilə paytaxtın aparıcı universitetlərinin tələbələri ilə görüş keçirilib.

    Gənclərin qarşısında xüsusi dəvət olunmuş qonaq – aktyor, şoumen, rejissor və əfsanəvi “Bakılı oğlanlar” Şən və Hazırcavablar Klubunun iştirakçısı Bəhram Bağırzadə çıxış edib. Tədbirin sonunda B.Bağırzadə tədbirin bütün iştirakçılarına özünün ən son kitablarından birini hədiyyə edib.

    “Siz vətənpərvərsinizsə, öz işinizdə peşəkar olmalısınız”, - deyə Bəhram bildirib və görüşün bütün iştirakçılarına uğurlar, böyük nailiyyətlər və ölkəmizin rifahı naminə gənclərə təşəbbüslərində qələbələr arzulayıb.

    Xatırladaq ki, hələ 1997-ci ildə Azərbaycan Prezidenti Heydər Əliyev imzaladığı sərəncama əsasən, Azərbaycan gənclərinin I Forumunun keçiriləcəyi gün - 2 fevral - Azərbaycan Gəncləri Günü elan edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi