Yuxarı

"Nikoil Bank" depozit xəttini yeniləyib

Yeni xətt Nikoil Sabit depozit məhsulu ilə təqdim edilib

Bakı. 27 sentyabr. REPORT.AZ/ "Nikoil Bank" ASC depozit xəttini yeniləyərək, onu öz müştəriləri üçün daha da cəlbedici edib. 

"Report"un banka istinadən verdiyi xəbərə görə, yeni depozit xətti "Nikoil Sabit" depozit məhsulu ilə təqdim edilib.

"Bankın təqdim etdiyi yeni faiz dərəcələri bazarın tələblərinə tam cavab verir, bu gün də gəlirlilik və etibarlılığının ən yaxşı birləşməsidir" - bankın açıqlamasında bildirilir. 

Xatırladaq ki, sentyabrın 21-də "Nikoil Bank"ın səhmdarları bankın nizamnamə kapitalının 150 mln. manata artırılacağını bəyan ediblər. Beləliklə, bu il oktyabr ayının sonuna qədər "Nikoil Bank"ın nizamnamə kapitalı 184,5 mln. manat təşkil edəcək.

Bu gün "Nikoil Bank" əhaliyə milli və xarici valyutada həyata keçirilən hesablaşma, kredit, kart, zəmanət, banklararası, sənədli və digər əməliyyatların da daxil olduğu xidmətlərin tam paketini təklif edən universal maliyyə-kredit təşkilatıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi