Bakı. 28 dekabr. REPORT.AZ/ Azərbaycan Dövlət Neft Fondunun (ARDNF) vəsaitləri 17 il ərzində140,7 dəfə artıb.
Fonddan “Report”a verilən məlumata görə, ARDNF-in vəsaitləri 2001-ci ildə 270 mln. ABŞ dolları təşkil edirdisə, 2018-ci il üzrə bu rəqəm artıq 38 mlrd. dolları keçib.
Qeyd edək ki, ARDNF-nin yaradılmasının 19 ili tamam olur. ARDNF 1999-cu ilin 29 dekabrında neft və qaz gəlirlərinin səmərəli idarə edilməsi, bu enerji resurslarından əldə edilən vəsaitlərin prioritet sahələrin inkişafına, sosial-iqtisadi və strateji baxımdan mühüm əhəmiyyət kəsb edən layihələrin həyata keçirilməsinə yönəldilməsi məqsədilə yaradılıb.