Yuxarı
    Bağlamaq

    Naxçıvan Vergilər Nazirliyi işçi axtarır

    Namizədlər üçün 31 vakant yer elan olunacaq

    Bakı. 22 sentyabr. REPORT.AZ/ Naxçıvan Muxtar Respublikası Vergilər Nazirliyi dövlət vergi orqanlarına işə qəbul olunmaq istəyən vətəndaşlar üçün müsabiqə elan edib.

    "Report" xəbər verir ki, müsabiqəyə sənəd qəbulu cari ilin oktyabrın 3-dən noyabrın 1-dək aparılacaq.

    Müsabiqədə yalnız hərbi xidmətə tam yararlı (qanuni əsaslarla müddətli həqiqi hərbi xidmətə çağırışdan möhlət hüququ olanlar və ya müddətli həqiqi hərbi xidmətə çağırışdan azad edilənlər istisna olmaqla), iqtisadiyyat, idarəetmə, hüquq və beynəlxalq iqtisadi münasibətlər üzrə ixtisas sahələrindən birinə malik olan və Azərbaycanın dövlət dilini sərbəst bilən Azərbaycan vətəndaşları iştirak edə bilərlər. Müsabiqəni uğurla keçən namizədlərə 31 sayda vakant yer üzrə iş təklif ediləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi