Yuxarı
    Bağlamaq

    NatWest: FED 2017-ci ildə uçot dərəcələrini 4 dəfə artıra bilər

    Mart ayında faizləri artırmamağa heç bir maneə yoxdur

    Bakı. 3 mart. REPORT.AZ/ ABŞ Federal Ehtiyat Sistemi (FED) uçot dərəcələrini 2017-ci ildə 4 dəfə artıra bilər.

    "Report"un "Bloomberg" agentliyinə istinadən verdiyi xəbərə görə, belə bir təhlil Böyük Britaniyanın "National Westminster Bank"ının (NatWest) ABŞ bazarları üzrə baş iqtisadçısı Mişel Girar (Michelle Girard) tərəfindən hazırlanan proqnozda verilib. Belə ki, proqnoz-hesabatda FED-in mart, iyun, sentyabr və dekabr aylarında uçot dərəcələrini artıracağı deyilib.

    Ümumiyyətlə, bundan əvvəlki proqnozda "NatWest" uçot dərəcələrinin 2 dəfə artırılacağını ehtimal edib. Hesabatda deyilir ki, iqtisadi artımın və inflyasiyanın son bir ildə dayanıqlı şəkildə artmasını əsas gətirərək, FED-in mart ayında faizləri artırmasında heç bir problem görünmür.

    Xatırladaq ki, maliyyə bazarlarının proqnozu FED-in faizləri 2-3 dəfə artıracağı istiqamətindədir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi