Yuxarı

Natiq Əmirov: "SOCAR digər dövlət qurumlarına nümunə olur"

Prezidentin köməkçisi: SOCAR-ın istiqrazları vətəndaşlara gəlirlərini etibarlı maliyyə alətlərinə yerləşdirməyə imkan verəcək

Bakı. 16 sentyabr. REPORT.AZ/ "Azərbaycan Dövlət Neft Şirkəti (SOCAR) istiqraz buraxmaqla yerli maliyyə bazarında innovativ addım atır". “Report” xəbər verir ki, bunu Bakıda keçirilən SOCAR istiqrazlarının təqdimat mərasimində Azərbaycan Respublikası Prezidentinin iqtisadi islahatlar üzrə köməkçisi Natiq Əmirov deyib.

Onun sözlərinə görə, bu istiqrazlar ölkə vətəndaşlarına sahibkar olmadan gəlirlərini etibarlı maliyyə alətlərinə yerləşdirməyə imkan verəcək: “Bu cür maliyyə alətlərinin tətbiqi indiki şəraitdə xüsusi əhəmiyyətə malikdir. Bununla SOCAR özünün ictimai nəzarətə hazır olduğunu göstərir, korporativ idarəetmə sahəsində digər dövlət qurumlarına nümunə olur, onları da maliyyə bazarında aktivliyi artırmağa, bu yolla vəsait cəlb etməyə sövq edir”.

N.Əmirov qeyd edib ki, SOCAR istiqrazlarından əldə olunan gəlirlər hələ ki, 3 il müddətinə vergidən azad edilib. Lakin tədricən bu müddətin artırılması mümkündür.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi