Yuxarı

Moskva birjası iri şirkətlərə valyuta bazarına birbaşa çıxış imkanı yaradacaq

Birjada ticarətə birbaşa çıxış rublun məzənnəsinə elə də əhəmiyyətli təsir etməyəcək

Bakı. 27 oktyabr. REPORT.AZ/ Moskva birjası Rusiyanın iri şirkətlərinə valyuta bazarına birbaşa çıxış imkanı yaradacaq. 

"Report"un Rusiya mətbuatına istinadən verdiyi xəbərə görə, bu, ilin sonunadək gerçəkləşə bilər. 

İlin sonunadək təqribən 50 şirkət vəsaitlərini valyuta bazarında yerləşdirə biləcək. Bu da gündəlik dövriyyənin əlavə 1 mlrd. ABŞ dolları artmasına imkan verəcək. Ümumilikdə, 2017-ci ilin birinci rübündə 75 iri şirkətin valyuta bazarına birbaşa çıxışının olması planlaşdırılır. Birjanın məlumatına əsasən, ticarətdə yalnız minimal kapital 10 mlrd. rub. olan və müəyyən edilmiş reytinqə sahib iri şirkətlər iştirak edəcək.

Qeyd edək ki, hazırda iri şirkətlər vəsaitlərini valyuta bazarında vasitəçilər- broker və banklar vasitəsilə yerləşdirir. 

Analitiklərin fikrincə, iri şirkətlərin valyuta bazarında birbaşa iştirakı bazarda likvidliyin artmasına təkan verəcək: "Birjada ticarətə birbaşa çıxış rublun məzənnəsinə elə də əhəmiyyətli təsir göstərməyəcək."

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi