Yuxarı
    Bağlamaq

    ​Maliyyə naziri regional idarələrin formalaşdırılması məsələsinə münasibət bildirib

    Samir Şərifov: Nazirliyin əsasnaməsində prinsip etibarilə regional idarələrin yaradılması əks olunub

    Bakı. 20 may. REPORT.AZ/ Maliyyə naziri Samir Şərifov Azərbaycanda bir sıra nazirliklərin regional idarələrinin formalaşdırılması ilə bağlı məsələyə münasibət bildirib.

    "Report"un verdiyi xəbərə görə, nazir jurnalistlərə açıqlamasında qeyd edib ki, Maliyyə Nazirliyinin əsasnaməsində prinsip etibarilə regional idarələrin yaradılması məsələsi əks olunub. 

    "Amma hələlik biz buna əl atmamışıq. Maliyyə Nazirliyində müəyyən institusional təkmilləşdirmə işləri aparılır. Əvvəllər bizim hər rayon üzrə maliyyə idarəsi nəzdində maliyyə-təftiş şöbələrimiz fəaliyyət göstərib. Onlar yerlərdə təftişlə məşğul olub. Sonra da həmin təftişi maliyyə idarəsindən kənarlaşdırdıq və regional maliyyə təftiş idarələri yaratdıq. Hesab edirəm ki, bu, daha səmərəli yanaşma idi. Eyni zamanda, həmin səpkidə səyyar xidmətin regional bölmələri də fəaliyyət göstərir. Hazırda regional təmsilçiliyimiz bu səviyyədə təşkil olunub”, - deyə maliyyə naziri əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi