Yuxarı
    Bağlamaq

    Maliyyə Bazarlarına Nəzarət Palatasının aktivləri 9 mln. manata yaxındır

    Palata ötən ili 2,3 mln. manat xalis zərərlə başa vurub

    Bakı. 3 may. REPORT.AZ/ Maliyyə Bazarlarına Nəzarət Palatası (MBNP) 2016-cı ilin maliyyə hesabatını açıqlayıb.

    “Report” hesabata istinadən xəbər verir ki, bu il yanvarın 1-nə Palatanın aktivləri 8,987 mln. manat təşkil edib. Bunun 62,7%-i və yaxud 5,635 mln. manatı uzunmüddətli aktivlər, 37,3%-i və yaxud 3,352 mln. manatı qısamüddətli aktivlərdir.

    Ötən ilin sonuna Palatanın cəmi kapitalı 8,352 mln. manat, cəmi öhdəlikləri isə 635 min manatdır. Öhdəliklərin hamısı qısamüddətlidir.

    2016-cı ildə MBNP-nın əsas əməliyyat gəliri 2,222 mln. manat, o cümlədən sabit ödənişləri 1,465 mln. manat, yığımları 755 min manat, sair gəlirləri 2 min manat, əsas əməliyyat xərci isə 4,536 mln. manat təşkil edib. Son nəticədə qurumun xalis əməliyyat zərəri 2,314 mln. manat olub.

    Palata maliyyə xərclərinə 14 min manat yönəldib və ötən ili 2,328 mln. manat xalis zərərlə başa vurub.

    Xatırladaq ki, MBNP ölkə prezidentinin 3 fevral 2016-cı il tarixli sərəncamı ilə yaradılıb, publik hüquqi şəxsdir. Onun nizamnamə kapitalı 5 mln. manatdır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi