Yuxarı
    Bağlamaq

    Maliyyə Bazarlarına Nəzarət Palatası dövlətdən maliyyə dəstəyi almayacaq

    Palatanın fəaliyyətinin maliyyələşdirilməsi üçün xərclər əsasən əməkhaqlarına sərf olunacaq

    Bakı. 4 mart. REPORT.AZ/ Maliyyə Bazarlarına Nəzarət Palatasının təklif olunan konfiqurasıyada fəaliyyətinin maliyyələşdirilməsi üçün tələb olunan xərclər bu sektorun, yəni haqq ödəyəcək institutların 2015-ci ildə vergidən əvvəlki mənfəətinin 1%-dən az təşkil edir".

    “Report”un verdiyi xəbərə görə, bunu Qiymətli Kağızlar üzrə Dövlət Komitəsinin (QKDK) sədri, Maliyyə Bazarlarına Nəzarət Palatasının yaradılması üzrə İşçi Qrupunun rəhbəri Rüfət Aslanlı parlamentin bugünkü plenar iclasında çıxışında bildirib.

    "Palata öz fəaliyyətini nəzarət subyektlərinin ödədiyi haqlar hesabına maliyyəlləşdircək və dövlətdən və ya digər mənbələrdən hər hansı gəlirlər əldə etməyəcək", - deyə R.Aslanlı qeyd edib.

    "Palatanın büdcəsinin formalaşmasının bəzi prinsiplərini müəyyən etmişik. Palatanın xərclərinin 3/4-ü əmək haqqı və ona bərabər tutulan xərclərə istiqamətləndirilməlidir. Yəni büdcəni insan resurslarının formalaşdırılmasına yönləndirsin, texniki xərcləri artırmasın", - deyə QKDK başçısı əlavə edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi