Yuxarı
    Bağlamaq

    LIBOR yaxın 4 ildə ləğv ediləcək

    LIBOR-la uçot dərəcəsi arasında yaranan fərq manipulyasiyaya səbəb olur

    Bakı. 27 iyul. REPORT.AZ/ "LIBOR 2021-ci ilin sonuna qədər ləğv olunacaq". 

    "Report" "Bloomberg" agentliyinə istinadən xəbər verir ki, bu məlumat Böyük Britaniyanın maliyyə bazarları tənzimləyicisi (Financial Conduct Authority, FCA) tərəfindən açıqlanıb.

    Qeyd edək ki, LIBOR (London Interbank Offered Rate) Londonda banklararası təklif olunan faiz həddini əks etdirir və hazırda 350 trln. dollardan artıq həcmdə maliyyə alətinin tədavülünün əsasını təşkil edir. Britaniyada tənzimləyici qurum və bankların skandallar yaradan LIBOR-un yerinə daha güvənli sistem yaratmaq istədiyi bildirilir. Bu səbəbdən 2021-ci ilə qədər ondan mərhələli şəkildə qurtulmaq istənildiyi vurğulanır.

    FCA sədri Endryu Beylinin (Andrew Bailey) sözlərinə görə, LIBOR treyderlərin uçot dərəcəsini manipulyasiya etməsinə səbəb olduğunun aşkarlanmasından sonra korrupsiya predmetinə çevrilib. E.Beyli "Bloomberg"ə açıqlamasında bildirib ki, "əgər maliyyə bazarları LIBOR-dan hazırkı şəkildə istifadə etsələr, biz bu göstəricidən imtina etməli olacağıq".

    "Report"un analitik qrupu bildirir ki, hazırda avrobond bazarında göstərici faiz LIBOR üzərindən hesablanır və bu faizə hər bir ölkə və ya təşkilatın reytinqinə uyğun olaraq risk premiyası əlavə edilir. FCA isə öz növbəsində LIBOR faizləri ilə uçot dərəcəsinin fərqləndiyini əsas gətirərək, bunun ədalətli olmadığını düşünür. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi