Yuxarı
    Bağlamaq

    “Kristal Abşeron” daxili ipoteka kreditinin müddətini artırıb

    İndi MTK-nın tikdiyi yaşayış binalarından mənzilləri 5 il müddətinə kreditlə almaq mümkündür

    Bakı. 28 fevral. REPORT.AZ/ “Kristal Abşeron” Mənzil-Tikinti Kooperativi (MTK) inşa etdiyi bəzi yaşayış binalarındakı mənzillərin satışı üzrə daxili ipoteka kreditinin maksimal müddətini 2 il artırıb.

    Bu barədə “Report”a şirkətdən bildirilib.

    Məlumata görə, söhbət Bakının Suraxanı rayonunda (Yeni Günəşli qəsəbəsində), eləcə də Xırdalan və Sumqayıt şəhərlərində inşa edilən binalardan gedir. İndi bu binalardan mənzilləri maksimum 3 il deyil, 5 il müddətinə daxili ipoteka kreditləşməsi hesabına əldə etmək mümkündür. İlkin ödəniş 30%, kreditin effektiv illik faiz dərəcəsi isə 10% təşkil edir.

    Xatırladaq ki, “Kristal Abşeron” MTK 2008-ci ildən fəaliyyət göstərir. Şirkətin Bakı, Abşeron və Sumqayıtda mənzil tikintisi ilə bağlı 18 layihəsi var. Bunlardan 5-i tamamlanıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi