Yuxarı
    Bağlamaq

    ​"Kapital Bank" talassemiyalı uşaqlar üçün qanvermə aksiyası keçirib

    Azərbaycan Talassemiya Federasiyası İctimai Birliyi ilə birgə təşkil olunan aksiyaya Bankın baş ofisindən 100-ə yaxın əməkdaş qatılıb

    Bakı. 5 fevral. REPORT.AZ/ "Kapital Bank" ASC-nin əməkdaşları talassemiya xəstəliyindən əziyyət çəkən uşaqlar üçün qanvermə aksiyasında iştirak ediblər. Bu barədə "Report"a Bankın mətbuat xidmətindən məlumat verilib.

    Azərbaycan Talassemiya Federasiyası İctimai Birliyi ilə birgə təşkil olunan aksiyaya Bankın baş ofisindən 100-ə yaxın əməkdaş qatılıb.

    “Bu aksiyalar mütəmadi olaraq həyata keçirilir. Körpələrimizin sağlam gələcəyi naminə belə sosial tədbirlərin keçirilməsini vacib hesab edirik. Talassemiyalı körpələrin qana olan ehtiyaclarını ödəmək üçün aksiyanın gələcəkdə də keçirilməsi nəzərdə tutulur”, - deyə "Kapital Bank"ın şöbə rəisi Günel Fərzəliyeva bildirib.

    Azərbaycanda ən geniş filial şəbəkəsinə malik "Kapital Bank" ötən illərdə olduğu kimi, bu il də öz ənənəsinə sadiq qaldığını açıqlayıb: "Kapital Bank" ailəsi gələcəyimiz olan körpələri yaddan çıxarmamağa, hər kəsi belə xeyirxah aksiyaya qoşulmağa və uşaqlara yardım etməyə çağırır".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi