Yuxarı
    Bağlamaq

    "Kapital Bank" nağdsız əməliyyatlarla bağlı yeni aksiya keçirir

    Kampaniya yanvar ayının 15-dək davam edəcək

    Bakı. 16 dekabr. REPORT.AZ/ "Kapital Bank" ASC ölkədə nağdsız ödənişləri stimullaşdırmaq məqsədilə "Bravo" marketlər şəbəkəsi ilə birlikdə yeni aksiya keçirir. Şərtlərə görə, "Gənclik Mall" ticarət və əyləncə mərkəzinin I mərtəbəsində fəaliyyət göstərən marketdə 200 manat və daha çox məbləğdə alış-verişi istənilən kartla nağdsız şəkildə ödədikdə, 20 manatlıq hədiyyə kuponu təqdim ediləcək.

    "Report"un Banka istinadən verdiyi xəbərə görə, hədiyyə olunan məbləği növbəti alış-veriş zamanı istifadə etmək mümkündür. Aksiyadan cümə, şənbə və bazar günləri alış-veriş edən müştərilər bəhrələnə bilər. Kampaniya yanvarın 15-dək davam edəcək.

    Qeyd edək ki, "Kapital Bank" ASC "MasterCard International" və "Visa International" beynəlxalq ödəniş sistemlərinin üzvüdür. Ödəniş kartlarını Bankın filiallarında və ya korporativ veb-saytından onlayn sifariş etmək mümkündür. Bank Azərbaycan manatı, ABŞ dolları və avro valyutası əsasında ödəniş kartlarını 1, 2 və ya 3 il müddətinə təklif edir. Bankın ölkə üzrə 600-dək bankomatı, 9 000-dək POS-terminalı var.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi