"Kapital Bank"ın dəstəyi ilə "Qış Qalası" yarmarkası keçirilir

Bakı. 20 dekabr. REPORT.AZ/ “Kapital Bank” ASC-nin dəstəyi və İçərişəhər Dövlət Tarix-Memarlıq Qoruğu İdarəsinin təşkilatçılığı ilə Qoşa Qala meydanında “Qış Qalası” adlı Yeni İl yarmarkası keçirilir. “Report”un məlumatına görə, 10 yanvar 2017-ci il tarixədək hər gün, saat 14:00-dan başlayaraq 16:00-dək uşaqlar üçün animatorların iştirakı ilə şou keçiriləcək. Saat 19:00-dan 21:00-dək isə məşhur müğənnilərin iştirakı ilə konsert təşkil ediləcək.

Yarmarkada bayram suvenirləri, atributların satışı nəzərdə tutulur. Bundan başqa, müxtəlif hədiyyəli müsabiqələr, həmçinin, isti və soyuq qəlyanaltılar, şirniyyatlar və içkilərin satışı həyata keçiriləcək. Yarmarkaya qatılanlar anket doldurmaqla xaricə 2 nəfərlik səyahət qazana biləcəklər.

Selfi çəkdirməyi sevənlər də hədiyyə qazanacaq. Yarmarkada ən yaxşı şelfi çəkib, #gishgalasiselfie həştəqi ilə sosial şəbəkədəki səhifələrinə yerləşdirənlər, İçəri Şəhərdə olan restorana 2 nəfərlik şam yeməyi qazana bilərlər.

Yarmarkanın balaca qonaqları da hədiyyəsiz qalmayacaqlar. Çünki uşaqlar tədbirdə Şaxta Babaya məktub yazmaq imkanına malik olacaqlar. Xüsusi qutuya yığılan məktubların ən yaxşıları hədiyyə əldə edəcək.

Azərbaycanda ən böyük filial şəbəkəsinə malik olan "Kapital Bank", 90 filialı və 2 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət etmək olar.