Yuxarı

Kanada AIIB-ə üzv olmaq üçün müraciət edib

Kanadanın müraciətinə münasibət bildirən AIIB prezidenti bunu etimadın göstəricisi adlandırıb

Bakı. 31 avqust. REPORT.AZ/ Kanada Asiya İnfrastruktur İnvestisiya Bankına (AIIB) üzv olmaq üçün quruma rəsmən müraciət edib. 

“Report”un “Financial Times”ə istinadən verdiyi xəbərə görə, bunu Kanadanın baş naziri Castin Tryudo (Justin Trudeau) Pekinə (Çin) səfəri zamanı bildirib.

Kanadanın maliyyə naziri Bil Morno (Bill Morneau) məsələni təsdiq edərək bildirib ki, bu üzvlük yeni iş yerlərinin açılmasına, qlobal iqtisadi inkişafa şərait yaradacaq və rəsmi Ottavanın iqtisadi maraqlarına uyğundur.

Kanadanın müraciətinə münasibət bildirən AIIB prezidenti Tzin Litsyun etimadın göstəricisi adlandırıb.

AIIB üzvlüklə bağlı yeni müraciətlərə 2017-ci ilə qədər cavab verilməyəcəyini, hazırda Braziliya, İran, Cənubi Afrika və Filippinin müraciətlərin ratifikasiyasını gözlədiyini açıqlayıb.

Xatırladaq ki, 2015-ci il iyunun 29-da Pekində 57 ölkə AIIB-in yaradılması üçün müqavilə imzalayıb. Azərbaycanın bankda iştirak payı 0,25% (254,1 mln. dollar) təşkil edir. Azərbaycanın bu banka üzvlüyü isə bu il iyunun 24-də ratifikasiya edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi