“International” BOKT-nin aktivləri 52% artıb

“International” MMC bank olmayan kredit təşkilatının (BOKT) cəmi aktivləri illik müqayisədə 51,5% artaraq 8,609 milyon manat təşkil edib.

“Report” bu barədə BOKT-nin maliyyə hesabatına istinadən xəbər verir.

Ötən il “International"ın müştərilərə verdiyi xalis kreditlər isə 29,4% artaraq 6,96 milyon manata çatıb. 

Hesabat dövründə BOKT-nin cəmi öhdəlikləri 59,9% artaraq 7,851 milyon manat, cəmi kapitalı isə 1,8% azalaraq 758 min manat olub.

“İnternational” 2018-ci ili 14 min xanat xalis zərərlə başa vurub. Halbuki, BOKT 2017-ci ildən 144 min manat mənfəətlə çıxmışdı.