Yuxarı

IMF: Ötən il Azərbaycan iqtisadiyyatı 4% böyüyüb

IMF: Ötən il Azərbaycan iqtisadiyyatı 4% böyüyüb
Dinlə

© AFP 2017/ MANDEL NGAN

Bakı. 14 may. REPORT.AZ/ 2017-ci ildə Azərbaycan və Qazaxıstan kimi regionun neft ixrac edən ölkələrində 4% iqtisadi artım qeydə alınıb. 

“Report” xəbər verir ki, bu barədə Beynəlxalq Valyuta Fondunun (IMF) yenilənmiş “Regional Economic Outlook: Caucasus and Central Asia” adlı hesabatında bildirilir. 

Hesabata görə, 2016-cı ildə bu göstərici 2,4% təşkil edib və 2017-ci ilin II yarısından neft qiymətlərinin kəskin artması bu ölkələrin iqtisadiyyatının böyüməsinə təkan verib: “Azərbaycanda yüksək dövlət sərmayələri digər sahələrdəki zəiflikləri balanslaşdıraraq böyüməyə şərait yaradıb. Planlaşdırılır ki, ölkədə kapital qoyuluşu genişləndirilsin, bu isə iqtisadiyyatın absorbsiya həcminin artmasına şərait yarada bilər”.

IMF hesab edir ki, hazırda Azərbaycanda fiskal idarəetmə prosesi gedir və ölkənin orta müddətə fiskal çərçivəsi müəyyən olunmayıb.

Təşkilat həmçinin Azərbaycan, Qazaxıstan, Qırğızıstan və Tacikistanın bank sektorunda çəıtinliklərin olduğunu qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi