Yuxarı
    Bağlamaq

    IMF dünya iqtisadiyyatı ilə bağlı yeni proqnozlarını açıqlayıb

    ABŞ üzrə iqtisadi artım tempi növbəti iki il üçün azaldılıb

    Bakı. 24 iyul. REPORT.AZ/ Beynəlxalq Valyuta Fondu (IMF) "Dünya iqtisadiyyatının inkişaf perspektivləri" adlı yeni, iyul icmal hesabatınını açıqlayıb. "Report" xəbər verir ki, hesabatda aprel icmalı ilə müqayisədə bir sıra dəyişikliklər edilib.

    Hesabatda dünya iqtisadiyyatının artım tempi üzrə proqnozlar 2017 və 2018-ci illər üçün müvafiq olaraq 3,5% və 3,6% səviyyəsində sabit saxlanılıb. İnkişaf etmiş ölkələrin iqtisadi artım tempi 2018-ci il üçün 0,1 faiz bəndi azaldılaraq 1,9%-ə endirilib. ABŞ iqtisadiyyatının növbəti iki il üçün artım tempi 0,2 və 0,4 faiz bəndi azaldılaraq hər iki il üçün 2,1%-ə çatdırılıb. Əksinə, avrozona iqtisadiyyatının 2017-ci il üçün artım tempi 0,2 faiz bəndi artılıraq 1,9%-ə, 2018-ci il üçün isə 0,1 faiz bəndi artırılaraq 1,7%-ə yüksəldilib.

    İnkişaf etməkdə olan və formalaşan ölkələr üçün ÜDM-in artım tempi cari il üçün 0,1 faiz bəndi artırılaraq 4,6%, 2018-ci il üçün isə dəyişdirilməyərək 4,8% proqnozlaşdırılır.

    MDB ölkələri üçün ÜDM-in artım tempi proqnozu növbəti iki il üçün dəyişdirilməyərək 1,7% və 2,1%, Rusiya üçün hər iki ildə dəyişdirilməyərək 1,4%, Rusiya istisna olmaqla MDB ölkələri üzrə isə dəyişdirilməyərək 2,5% və 3,5% səviyyəsində təsdiqlənib.

    IMF mal və xidmətlər üzrə dünya ticarətinin həcmi üzrə proqnozu 0,2 faiz bəndi artıraraq 2017-ci il üçün 4%, 2018-ci il üçün dəyişməyərək 3,9% olacağını proqnozlaşdırır. Qeyd edək ki, 2016-cı ildə bu göstərici 2,3% olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi