Yuxarı
    Bağlamaq

    IMF Azərbaycan üçün inflyasiya proqnozunu azaldıb

    Fond 2016-cı il üçün Azərbaycanda iqtisadi geriləmənin dinamikasını -3%-dən -2,4%-ə endirib

    Bakı. 5 oktyabr. REPORT.AZ/ Beynəlxalq Valyuta Fondu (IMF) Azərbaycanla bağlı bəzi proqnozlarına dəyişiklik edib. “Report” xəbər verir ki, bu barədə Fondun 2016-cı il üçün hazırladığı yeni proqnozlarda məlumat verilib.

    Yeni, oktyabr icmalına əsasən, Fond bu il üçün Azərbaycanda real ÜDM-in dinamikasını mənfi 3%-dən mənfi 2,4%-ə endirib. Gələn il isə bu göstəricinin 1,4% artacağı gözlənilir. Əlavə edək ki, aprel icmalında 2017-ci il üçün ÜDM-in artım proqnozu 1% göstərilmişdir.

    IMF, həmçinin Azərbaycanda inflyasiya ilə bağlı proqnozunu dəyişib. Belə ki, Fond Azərbaycanda bu il istehlak qiymətlərinin 10,2% civarında artacağını proqnozlaşdırır. Qeyd edək ki, aprel proqnozunda bu rəqəm 12,8% olub.

    IMF 2017-ci il üçün inflyasiya proqnozu isə apreldəki 9,5%-dən 8,5%-ə salıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi